Gíslabala fjölskyldan

Hér bloggar Gíslabalafjölskyldan en hún saman stendur af mömmunni sem skrifar bloggið, kærastanum hennar til MARGRA ára sem skrifar aldrei, elsta syninum sem einsog svo algent er - er sonur HANS, og litla prinsinum sem er 4 að verða 5 ára - en hann stjórnar öllu á heimilinu, eldri strákunum til mikils ama en móðurinni til mikillar gleði ...að þeirra mati!  Eldri sonurinn er engum til ama - nema annað slagið og þá er "hann sonur pabba síns"!!

Bloggið er aðallega hugsað til að móðirin fái útrás fyrir dagbókarþörfina sína sem "Helgamagra"dömurnar eiga sameiginlegt - en einnig til að "amma Lilla klifurmús" fái beinar fréttir af fjölskyldumeðlimum

Ég vona að þú lesandi góður hafir nokkuð gaman af .......jafnvel eitthvað gagn!!! 

........ári síðar:

Nú er litli prinsinn næstum 6 ára. Stór og duglegur strákur sem er ofverndaður af foreldrum sínum en það skaðar hann vonandi ekki til lengri tíma litið.

Móðirin mis dugleg við að blogga en það skrifast allt á þessar 15 einingar í KHÍ sem henni datt í hug að taka með 100% vinnunni sinni í vetur. 

Eldri sonurinn á heimilinu er farinn að taka sig verulega á hvað varðar ástundun í skóla og tiltekt heima fyrir og er það mikill sigur fyrir okkur :)

Karlkvölin hér hefur unnið einsog brjálaður maður síðustu mánuðina en er eitthvað að slaka á núna þannig að við sjáum mun meira af honum okkur öllum til mikillar gleði.  

Enn er komið nýtt ár!

Prinsinn er byrjaður í grunnskóla, tekur rútu í skólann alla daga og einhverja daga heim aftur en er annars sóttur.

Móðirin enn ekkert duglegri að blogga en getur ekki skrifað það á einingarnar sínar þar sem hún útskrifaðist í haust. Nú er það aðallega skrifað á hina einu sönnu ástæðu = leti ;)

Eldri sonurinn er farinn að leggja aðeins meira á sig við námið, en tiltektin sem greip hann á heimilinu.....eða....aðallega herberginu var fljót að brá af honum og allt komið í fyrra horf, Er að hugsa um að segja skilti á hurðina hjá honum sem á stendur - Aðgangur bannaður fyrir viðkvæma!

Enn vinnur húsbóndinn myrkranna á milli - enginn getur kvartað yfir því á þessum tíma! Við erum samt farin að sjá meira af honum og líkar það náttúrulega alveg ljómandi vel.